کراچی،ڈکیتی اور لوٹ مار میں ملوث 2 ملزمان گرفتار ، اسلحہ و موٹر سائیکل برآمد

کراچی( 50 نیوز ویب ڈیسک ) پاکستان رینجرز (سندھ)اورپو لیس نے انٹیلی جنس معلومات کی بنیاد پر مشترکہ کارروائی کرتے ہوئے کراچی کے علاقے سکندر گوٹھ سے ڈکیتی اور اسٹر یٹ کرائم میں ملوث2 ملزمان عثمان  اور شیر یار کو گرفتار کر لیا۔ملزمان کے قبضے سے، ایک عدد 30بور پسٹل بمعہ 2عدد راؤندز، ایک عدد مو ٹر سائیکل،2عدد مو با ئل فون اور نقدی بھی برآمد کر لی گئی۔

تفصیلات کے مطابق ملزمان شہریوں سے لو ٹ مار کر رہے تھے کہ اچانک رینجرز مو ٹر سائیکل اسکوارڈکو دیکھ کر تنگ گلیوں میں فرار ہونے کی کو شش کی۔ رینجرز مو ٹر سا ئیکل اسکوارڈ نے ملزمان کا تعا قب کیا اور گرفتار کر لیا۔ ابتدائی تفتیش کے دوران ملزمان نے انکشاف کیا کہ وہ کراچی کے مختلف علاقوں ملیر، صفورا، گلستان جو ہر اور گردونواح میں 30سے زائد ڈ کیتی کی وارداتوں میں ملو ث ہیں۔ ملزمان حال ہی میں سکندر گو ٹھ راجپوت ڈیری شاپ سے ڈکیتی کے دوران10ہزار روپے لوٹ کر فرار ہو گئے تھے جس کی تصدیق ڈیری شاپ کے مالک نے مو قعہ پر کر دی۔ ملزمان کے دیگر سا تھیوں کی گرفتاری کے لیے چھا پے مارے جارہے ہیں۔ 

گرفتارملزمان کو بمعہ اسلحہ و ایمو نیشن، مو ٹرسائیکل،مو بائل فون اور نقدی مزید قانونی کارروائی کے لیے پولیس کے حوالے کر دیا گیا ہے۔ عوام سے اپیل ہے کہ ایسے عناصر کے بارے میں اطلاع فوری طور پر قریبی رینجرز چیک پوسٹ، رینجرز ہیلپ لائن 1101 یا رینجرز مددگار واٹس ایپ نمبر 03479001111 پر کال یا ایس ایم ایس کے ذریعے دیں۔ آپ کا نام صیغہ راز میں رکھا جائے گا۔