رینجرزاور پولیس کی مشترکہ کارروائی، کئی ڈکیتیوں میں ملوث ملزم گرفتار

     کراچی ( 50 نیوز) پاکستان رینجرز (سندھ) اور پولیس نے انٹیلی جنس معلومات کی بنیاد پر مشترکہ کارروائی کرتے ہوئے کراچی کے علاقے کشمیر روڈ جمشید ٹاؤن سے اسٹریٹ کرائم 

اورڈکیتی کی متعدد وارداتوں میں ملوث ملزم زوہان علی عرف علی عرف 

سانول کوگرفتار کرلیا۔

 ملزم کے قبضے سے وارداتوں میں استعمال ہونے والا غیر قانونی اسلحہ،

 ایمونیشن اور 3 عدد چھینی ہوئی موٹر سائیکلیں بھی برآمد کرلی گئیں۔

 تفصیلات کے مطابق ملزم جمشید ٹاؤن اور گرد و نواح میں ڈکیتی اور چھینا

 جھپٹی کی متعدد وارداتوں میں ملوث ہے۔ملزم اپنے دیگر ساتھیوں کے ہمراہ

 اسلحہ کے زور پر شہریوں سے موبائل فونز، نقدی اور موٹر سائیکلیں چھین کر

 فرار ہو جاتے تھے۔ملزم عادی مجرم ہے اور متعددبارگرفتار ہو کر جیل جا

 چکا ہے۔

  دورانِ تفتیش ملزم نے اپنے دیگر ساتھیوں کے ہمراہ کراچی کے مختلف

 علاقوں طارق روڈ، سندھی مسلم سوسائٹی، کشمیر روڈ، نورانی کباب اور شاہراہ

 فیصل سے ڈکیتی اور چھینا جھپٹی کی 100 سے زائد وارداتوں میں 120 سے زائد

 موبائل فونز اورمبلغ 3لاکھ روپے تک نقدی لوٹنے کا اعتراف کیا ہے۔ ملزم 

کے دیگر ساتھیوں کی گرفتاری کے لئے چھاپے مارے جا رہے ہیں۔

  گرفتارملزم کو بمعہ اسلحہ،ایمونیشن اور مسروقہ موٹر سائیکلیں مزید قانونی کاروائی 

کے لیے پولیس کے حوالے کر دیا گیا ہے۔ترجمان رینجرز نے عوام سے اپیل

  کی ہے کہ ایسے عناصر کے بارے میں اطلاع فوری طور پر قریبی رینجرز چیک 

پوسٹ، رینجرز ہیلپ لائن 1101 یا رینجرز مددگار واٹس ایپ نمبر

03479001111 پر کال یا ایس ایم ایس کے ذریعے دیں۔ آپ کا نام صیغہ 

راز میں رکھا جائے گا۔