افغانستان میں شدید بارشیں، سیلاب سے جاں بحق افراد کی تعداد 13 ہوگئی ، متعدد زخمی

کابل ( 50 نیوز الرٹ) افغانستان کے کئی صوبوں میں گزشتہ دنوں ہونے والی شدید  بارشوں کی وجہ سے  پیدا ہونے والے سیلاب کے نتیجے میں 13 افراد جاں بحق اور 8 زخمی ہوگئے۔ 

 

 بین الاقوامی میڈیا کے مطابق طالبان کی عبوری حکومت کے ترجمان برائے وزارت آفات شفیع اللہ رحیمی کا کہنا ہے کہ سیلاب اور طغیانی سے لگمان، پکتیا، دائی کنڈی، خوست، ننگرہار، میدان وردک، قندھار، باغلان اور گور صوبے زیادہ متاثر ہوئے ہیں۔ 

 13 لوگوں کی ہلاکت  اور 8 افراد کے  زخمی ہونے کی اطلاعات ہیں، شفیع اللہ رحیمی نے کہا کہ کچھ علاقوں میں سڑکیں اور پانی کا نظام تباہ ہو گیا ہے۔ 

  تین ہزار ایکڑ سے زائد زرعی اراضی اور 56 مکانات کو بھی نقصان پہنچا۔شفیع اللہ رحیمی  

 افغانستان میں  گزشتہ کئی سالوں سے جاری تنازعات کے ماحول کی وجہ سے پورے ملک میں بنیادی ڈھانچے کو تیار کرنے میں ناکامی قدرتی واقعات کے اثرات کو بڑھاتی ہے اور جانی نقصان کا سبب بن سکتی ہے۔ترجمان  

 افغانستان  جو حالیہ برسوں کے شدید ترین موسم سرما سے گزرا ہے  میں  تقریباً 180 افراد اپنی  جانوں سے ہاتھ دھو بیٹھے تھے۔ 

  علاوہ ازیں ، گرمیوں کے مہینے جیسے جیسے قریب  آتے ہیں، شمالی اور اندرون ملک کے بلند پہاڑوں پر پگھلنے والی برف  بارشوں کے پانی میں شامل ہونے کے بعد سیلاب اور طغیانی میں اضافے کا باعث بن رہی ہے۔