کراچی، موبائل فونز کی ٹمپرنگ کا ماہر ملزم گرفتار، چوری شدہ لیپ ٹاپ، موبائلز اور ٹمپرنگ ڈیوائس برآمد

  کراچی ( 50 نیوز الرٹ)  پاکستان رینجرز (سندھ) اورپو لیس نے انٹیلی جنس معلومات کی بنیاد پر مشترکہ کارروائی کرتے ہوئے کراچی کے علاقے اورنگی ٹاؤن سے چوری شدہ مو بائل فونز کی ٹمپر نگ اور خرید و فر وخت میں ملوث ملزم ذاکر رحمٰن کو گرفتار کر لیا۔ ملزم کے قبضے سے چوری شدہ موبائل فونز، لیپ ٹاپ اور کمپیو ٹر بمعہ ٹمپر نگ ڈ یوائس بھی برآمد کر لی گئی۔

 تفصیلات کے مطابق ملزم گز شتہ 3سال سے چوری شدہ مو بائل فونز کی ٹمپر نگ میں ملو ث ہے۔ملزم گردونواح کے دوکانداروں کے تو سط سے بھجوائے گئے مو بائل فونزکے IMEIنمبر ٹمپرنگ کر کے سافٹ وئیر بھی تبد یل کر تا تھا۔

 ابتدائی تفتیش کے دوران ملزم نے اعتراف کیا کہ وہ نہ صرف مو با ئل شا پ کے دوکانداروں کے لیئے مو بائل فونز کی ٹمپر نگ کا کام کر تا ہے بلکہ مختلف ڈکیتوں کے لیے بھی مو با ئل فونزIMEIنمبر ٹمپرنگ کر نے میں ملو ث ہے۔ ملزم نے مز ید انکشا ف کیا کہ وہ چوری شدہ مو با ئل فونز کی خریدو فروخت اور ٹمپر نگ کرنے میں ملو ث ہے۔ ملزم کے دیگر سا تھیوں کی گرفتاری کے لیے چھا پے ما رے جارہے ہیں۔

  گرفتارملزم کو بمعہ مسروقہ سامان مزید قانونی کارروائی کے لیے پولیس کے حوالے کر دیا گیا ہے۔ عوام سے اپیل ہے کہ ایسے عناصر کے بارے میں اطلاع فوری طور پر قریبی رینجرز چیک پوسٹ، رینجرز ہیلپ لائن 1101 یا رینجرز مددگار واٹس ایپ نمبر 03479001111 پر کال یا ایس ایم ایس کے ذریعے دیں۔ آپ کا نام صیغہ راز میں رکھا جائے گا۔